Press "Enter" to skip to content

இலங்கை சந்தையில் புதிய எண்ணெய் விநியோகஸ்தர்களுக்கு அழைப்பு -ஐக்கிய மக்கள் சக்தி

இலங்கையில் வசதிகளை ஏற்படுத்துவதற்கு இந்திய எண்ணெய் நிறுவனத்தைத் தவிர ஏனைய எண்ணெய் நிறுவனங்களின் போட்டியாளர்களை அரசாங்கம் அழைக்க வேண்டும் என ஐக்கிய மக்கள் சக்தி பாராளுமன்ற உறுப்பினர் பாட்டலி சம்பிக்க ரணவக்க தெரிவித்துள்ளார்.

இன்று ஊடகங்களுக்கு கருத்து தெரிவிக்கும் போதே அவர் இதனை தெரிவித்துள்ளார்.

மசகு எண்ணெய் உற்பத்தி செய்யும் நாட்டிலிருந்து எண்ணெய் வழங்குபவராக இருந்தால் அது இலங்கைக்கு மிகவும் நன்மை பயக்கும் எனவும் அவர் தெரிவித்தார்.

100 பீப்பாய் மசகு எண்ணெயை உள்ளீடு செய்து 38 பீப்பாய் எரிபொருளை மாத்திரமே உற்பத்தி செய்வதால் இலங்கையின் எண்ணெய் சுத்திகரிப்பு நிலையங்களின் செயல்திறன் அதிகரிக்கப்பட வேண்டும்.

வாரத்தின் வெவ்வேறு நாட்களில் பஸ்கள், லொறிகள் மற்றும் மீன்பிடி மற்றும் விவசாயத் துறைகள் போன்ற பல்வேறு வாகன வகைகளுக்கு எரிபொருள் விற்பனை செய்யப்பட வேண்டும் எனவும் அவர் தெரிவித்தார்.

பொது போக்குவரத்திற்காக பயன்படுத்தப்படும் ரயில் அமைப்புடன் 5.4 மில்லியன் வாகனங்களும் இலங்கையில் இருப்பதாக அவர் தெரிவித்தார்.

எரிபொருள் தேவையில் 1% மாத்திரமே பயன்படுத்தப்படும் புகையிரதங்களின் ஊடாக 5% பயணிகள் கொண்டு செல்லப்படுவதாக அவர் சுட்டிக்காட்டினார்.

48% பயணிகள் பஸ்கள் மூலம் கொண்டு செல்லப்படுவதாகவும், எரிபொருள் தேவையில் 10% பயன்படுத்தப்படுவதாகவும் அவர் குறிப்பிட்டார்.

இலங்கை மின்சார சபையை ஆரம்ப பொது வழங்கலுக்கு செல்லுமாறும் அவர் கேட்டுக்கொண்டார்.

More from UncategorizedMore posts in Uncategorized »

Be First to Comment

Leave a Reply

Your email address will not be published. Required fields are marked *