கோட்டாபய ராஜபக்ச அதிகாரத்தைக் காப்பாற்றுவதற்காக மக்களைக் கொன்றவர் அல்ல. அவர் ஒரு ஜனநாயக தலைவர்.

முன்னாள் ஜனாதிபதி கோட்டாபய ராஜபக்சவை திட்டமிட்ட வகையில் வேட்டையாடும் சதி நடவடிக்கைகள் முன்னெடுக்கப்படுவதாக சட்டத்தரணி மனோஜ் கமகே தெரிவித்துள்ளார்.

கொழும்பில் செய்தியாளர் சந்திப்பு ஒன்றில் பேசிய அவர் இதனை குறிப்பிட்டுள்ளார்.

 

யாஸ்மின் சுகா தலைமையில், சிங்கப்பூர் அரசிடம் போர்க் குற்றங்கள் நடந்ததாக முறைப்பாடு செய்யப்பட்டுள்ளது. எனினும், 30 ஆண்டுகால பயங்கரவாதத்தால் ஆட்கொள்ளப்பட்ட போரை முடிவுக்குக் கொண்டு வந்த ஒரு தலைவர் இப்படி வேட்டையாடத் தயாராகிறார்.

 

கோட்டாபய ராஜபக்ச அதிகாரத்தைக் காப்பாற்றுவதற்காக மக்களைக் கொன்றவர் அல்ல. அவர் ஒரு ஜனநாயக தலைவர். அவர் சிங்கப்பூரில் அனாதையாக இருக்கக் கூடாது. அவர் உடனடியாக இலங்கைக்கு அழைத்துவரப்பட வேண்டும்.

நாட்டின் ஆட்சியை யாரிடம் கொடுப்பது

 

அவரது வாழ்வில் ஏற்படும் பாதிப்புகளில் இருந்து அவரை காப்பாற்ற வேண்டியது தற்போதைய அரசாங்கத்தின் பொறுப்பு. கோவிட் தொற்றுநோய்களின் போது மக்களைக் காப்பாற்றிய பங்களிப்பை நாம் மறக்க முடியாது.

இந்நிலையில், சரத் ​​பொன்சேகா தற்போது என்ன செய்கிறார் என்பது பற்றி எங்களுக்கு ஒரு பெரிய புதிர் உள்ளது. 225 பேரும் வீட்டிற்கு செல்ல வேண்டும் என்பதில் எங்களுக்கு உடன்பாடு இல்லை. அப்படி விடுவதற்கு இது மளிகைக் கடை இல்லை.

எல்லாரையும் வீட்டுக்கு அனுப்பி இந்த நாட்டின் ஆட்சியை யாரிடம் கொடுப்பது. இந்த நாட்டில் பொருளாதார, அரசியல் ஸ்திரத்தன்மை இருப்பதாகத் தெரியவில்லை. கடந்த காலத்தைப் போன்று தற்போதும் சில அரசியல் குழுக்கள் மக்களை வன்முறைக்கு வழிநடத்த முயற்சிக்கின்றன.

அரசியல் ஸ்திரமின்மை உள்ள ஒரு நாடு சர்வதேச நாணய நிதியத்தின் உதவியைப் பெறுவதற்கு முற்றிலும் சாத்தியமில்லை.

உங்களின் அரசியல் பகடை விளையாட்டை ஒரு கணம் மறந்துவிட்டு, துன்பப்படும் மக்களுக்காக 225 தலைமையுடன் இணைந்து நாட்டை கட்டியெழுப்ப உதவுங்கள் என அவர் கோரிக்கை விடுத்துள்ளார்.