யாழில் கசிப்புடன் கைதான மாணவனை சிறுவர் நன்னடத்தை பாடசாலையில் ஒப்படைக்க நீதிவான் உத்தரவு

யாழ்ப்பாணம் ஊர்காவற்றுறை ஊரிப் பகுதியில் 3 லீற்றர் கசிப்புடன் கைது செய்யப்பட்ட 15 வயதுடைய பாடசாலை மாணவனை அச்சுவேலிப் பகுதியிலுள்ள சிறுவர் நன்னடத்தை பாடசாலையில் ஒப்படைக்குமாறு யாழ்ப்பாணம் சிறுவர் நீதிமன்ற நீதிவான் உத்தரவிட்டார்.

மேற்படி மாணவன் 3 லீற்றர் கசிப்பு மற்றும் 16 லீற்றர் கோடாவை உடைமையில் வைத்திருந்த குற்றச்சாட்டின் கீழ் ஊர்காவற்றுறை பொலிஸாரால் கைது செய்யப்பட்டான்.

கைது செய்யப்பட்ட சிறுவனை விசாரணைகளின் பின் யாழ்ப்பாணம் சிறுவர் நீதிமன்றத்தில் முற்படுத்த போதே சிறுவனை நன்னடத்தை பாடசாலையில் ஒப்படைக்குமாறு நீதிவான் உத்தரவிட்டார்.