குறைந்த வருமானம் பெறும் குடும்பங்களுக்கான நலன்புரி திட்டத்தை துரித்தப்படுத்துமாறு ஜனாதிபதி பணிப்புரை

குறைந்த வருமானம் பெறும் சுமார் 3.1 மில்லியன் குடும்பங்களுக்கு நலன்புரி உதவிகளை வழங்கும் வேலைத்திட்டத்தை துரிதப்படுத்துமாறு ஜனாதிபதி ரணில் விக்கிரமசிங்க அதிகாரிகளுக்கு பணிப்புரை விடுத்துள்ளார்.

“யாரையும் விட்டுவிடாதீர்கள்” என்பது நாட்டின் ஒவ்வொரு மாவட்டத்தையும் உள்ளடக்கிய முன்முயற்சியின் பொருளாக செயற்படவுள்ளது.

முதியோர், ஊனமுற்றோர் அல்லது சிறுநீரக நோயாளிகளுக்கான திட்டமான சமுர்த்தியின் கீழ் நன்மைகளைப் பெறும் குடும்பங்கள் அல்லது தனிநபர்கள் திட்டத்தின் கீழ் நன்மைகளைப் பெறத் தகுதியுடையவர்களாவர்.

காத்திருப்போர் பட்டியலில் உள்ளவர்களுக்கும், மானியத்திற்காகக் காத்திருப்பவர்களுக்கும், தற்போதைய பொருளாதார நெருக்கடியால் பாதிக்கப்பட்டு அரசின் நலத்திட்ட உதவிகளை எதிர்பார்க்கும் நபர்களுக்கும் இந்த உதவித்தொகை வழங்கப்படவுள்ளது.

இத்திட்டத்திற்கான விண்ணப்பங்களை சமர்ப்பிப்பதற்கான இறுதி திகதி ஒக்டோபர் 15 வரை நீடிக்கப்பட்டுள்ளது.

தேவையான விண்ணப்பப் படிவத்தை www.wbb.gov.lk இலிருந்து அணுகலாம்.