Press "Enter" to skip to content

தமிழ் தேசியக்கூட்டமைப்புக்கு புதிய யாப்பு உருவாக்கப்படும்! கூட்டமைப்பின் பங்காளிக்கட்சிகள் கூட்டாக அறிவிப்பு

ஜனாதிபதியுடனான சந்திப்புக்கு கிழக்கு எம்.பிக்களை அழைக்காவிட்டால் வடக்கு எம்.பிக்களும் சந்திப்பை புறக்கணிப்பார்கள் என தமிழ்த் தேசியக் கூட்டமைப்பு பங்காளிக் கட்சிகள் கூட்டாக அறிவித்துள்ளன.

யாழ்ப்பாணத்தில் இன்று (06.05.2023) தமிழ் தேசியக் கூட்டமைப்பின் பங்காளிக் கட்சிகளுக்கு இடையிலான ஒருங்கிணைப்பு குழு கூட்டம் இடம்பெற்றது.

இதன்போது பங்காளிக்கட்சிகளின் பிரதிநிதிகள் ஊடகங்களுக்கு கருத்துத் தெரிவிக்கும்போதே இவ்வாறு தெரிவித்துள்ளனர்.

இதன்போது மேலும் தெரிவிக்கையில்,

இந்த மாதம் 11,12,13 ஆகிய திகதிகளில் வடக்கு தமிழ்க்கட்சிகளின் நாடாளுமன்ற உறுப்பினர்களை ஜனாதிபதி அழைத்து அதிகாரப்பரவலாக்கல், வடக்கிலுள்ள பிரச்சினைகள் மற்றும் அபிவிருத்தி சம்பந்தமாக கலந்துரையாட அழைப்பு விடுத்துள்ளார்.

தமிழ் தேசியக்கூட்டமைப்புக்கு புதிய யாப்பு உருவாக்கப்படும்! கூட்டமைப்பின் பங்காளிக்கட்சிகள் கூட்டாக அறிவிப்பு (Photos) | Tamil National Alliance About President Meet

பேச்சுவார்த்தையை புறக்கணிக்க முடிவு

தமிழர் தாயகமாக வடக்கு, கிழக்கு மாகாணங்கள் கருதப்படுவதால் அதிகாரப்பரவல் வடக்கு கிழக்கைச் சார்ந்தது. அந்த வகையில் கிழக்கு மாகாண நாடாளுமன்ற உறுப்பினர்களும் அழைக்கப்பட வேண்டும்.

கிழக்கு மாகாண நாடாளுமன்ற உறுப்பினர்கள் அழைக்கப்படாதவிடத்து குறித்த பேச்சுவார்த்தையைப் புறக்கணிப்பதற்கு எதிர்ப்பார்த்துள்ளோம்.

தமிழ் தேசியக்கூட்டமைப்புக்கு புதிய யாப்பு உருவாக்கப்படும்! கூட்டமைப்பின் பங்காளிக்கட்சிகள் கூட்டாக அறிவிப்பு (Photos) | Tamil National Alliance About President Meet

இதேவேளை கிழக்கு மாகாண நாடாளுமன்ற உறுப்பினர்களையும் அழைக்க வேண்டுமென பிரதான கோரிக்கையை ஜனாதிபதியிடம் முன்வைக்கின்றோம். மேலும் தமிழ் தேசியக் கூட்டமைப்புக்கு அடுத்த மாதம் புதிய யாப்பு உருவாக்கப்படும் என தெரிவித்துள்ளனர்.

இந்த கூட்டத்தில் தமிழ் தேசிய கூட்டமைப்பின் நாடாளுமன்ற உறுப்பினர்களான த.சித்தார்த்தன், செல்வம் அடைக்கலநாதன், கோவிந்தன் கருணாகரம் மற்றும் முன்னாள் நாடாளுமன்ற உறுப்பினர்களான சிவசக்தி ஆனந்தன், என்.ஸ்ரீகாந்தா, சுரேஷ் பிரேமச்சந்திரன், முன்னாள் மாகாண சபை உறுப்பினர்களான இரா.துரைரட்ணம், பா.கஜதீபன் மற்றும் ஜனநாயக போராளிகள் கட்சியின் தலைவர் வேந்தன் செயலாளர் துளசி தமிழீழ மக்கள் விடுதலைக் கழகத்தின் சிரேஷ்ட துணைத் தலைவர் ஆர்.இராகவன், ரெலோவின் பேச்சாளர் கு.சுரேந்திரன் ஆகியோர் கலந்துகொண்டனர்.

Be First to Comment

Leave a Reply

Your email address will not be published. Required fields are marked *